中西區
中西區是受兩傘運動較大影響地區，其選情是反映市民在雨傘運動後政治取向的寒暑表。
重點地區
A01 中環
許智峯是建制其中一個重點清除目標，對手劉尉欣除左張相PS技巧一流外，背後亦有大水喉射住，預料選情會非常接近。
A08 西環
張國鈞預料下屆接替曾鈺成，代表民建聯循港島出戰立法會，對手莊榮輝亦非得閒輩，上屆只輸24票。莊榮輝今屆是他連續第4屆在中西區出選，2003年起他每屆都獲得起碼1,200票，但就分別以7票、148票和24票僅敗。
A15 水街
影分身勁，定係旗開做到野，聽日就知！
灣仔投票率通常係全港尾三位，灣仔區重劃後人數減少，今次建制亦重點狙擊兩個非建制派背景議員，若成為本港第一個「全紅」的區議會，實在令人稀噓。
重點地區
B01 軒尼詩
非建制派死剩種區之一，建制派出范徐麗泰支持的張曼莉出選，若呢席輸左，灣仔區難守矣。
B08 渣甸山
黎大偉為另一非建制派死剩種區，今屆自由黨出林偉文出選，港九藥房總商會副理事長都有個叫林偉文，唔知係咪同一個人？
B09 樂活
蕭思江、麥國風、謝偉俊，睇牌頭都值得睇，謝偉俊代妻出征係麥兜感人至深小故事之選。若謝偉俊當選區議員，除成為回歸後首個立法會議員當選區議員。值得留意傳閒中聯辦下年不再支持謝偉俊出選九龍東，若謝當選區議員，會獲得「超級區議會」(區議會（第二）功能界別)參選的入場卷。
B13 大佛口
梁柏堅是傘後組織「灣仔廣義」成員，其票數是中產對傘兵接受程度的其中一個指標。
東區
全港最大區議會，今屆泛民大舉攻向東區，就睇睇結果如何。
重點地區
C03 鯉景灣
得罪咁講句，王學今係工黨呢屆最大機會當選的參選者...
C05 筲箕灣
傘兵梁詠詩老師是一眾傘兵中較特出一位，型像正面，亦引來「假傘兵」潘詠妍界票。上屆本區非建制人士票數亦非相差太遠，不過老師記得做好選舉申報，及報齊 EA submission...
C06 阿公岩
杜本文是全港三位由1982年首屆區議會成立起一直連任至今的區議員之一，杜在1982年已在東區的亞公岩選區出選，至今33年，今年仍在該區爭取連任。
C08 翠灣
社民連古桂耀參選，亦引來假傘兵尹梓烽界票，唔知今日街坊有無機會見到尹梓烽呢？
C13 翡翠
黎志強是公民黨最老資曆的區議員，佢對手李莉係新香港人，連廣東話都未講正，表示自己「靠正常途徑」結婚來港已二十年。
C21 丹拿
鄭達鴻被喻為今屆區議會其中一個最肥美的小鮮肉，亦是公民黨後起之星，若其打破北角「建制必勝」的局面，是對一項壯舉。
C24 南豐
張國昌上屆代替已去世的梁淑楨參選並取得議席，結果今屆引來假傘兵MK Look李澤深界票，唔知當區居民有無機會見到李澤深呢？
C34 漁灣
鍾樹根連老婆插水都做埋，證明今屆選情激烈，值得留意！
南區
呢區犀飛利，好多候選人的後台都好勁，有記者查訪候選人背景時被黑社會跟蹤，亦爭D比人點相以後無得搭小巴，所以你話呢區係咪蛇貓狗乜都齊呢
重點地區
D01 香港仔
任葆琳的宣傳品掛到一街都係，連小巴站都擺滿任小姐的宣傳品，令市民更留意小巴站的存在，實在用為良苦。
D04 利東一
區諾軒作為民主黨第二梯隊，今屆遇上熱血公民黃潤基挑戰，若其成功保住議席，亦是對他一大歷練。建制對新民建聯李嘉盈亦是PS狂徒之一，多謝文匯照妖鏡...
D05 利東二
羅健熙為民主黨副主席，今年民主黨與中共接觸後的回應令人失望，引來今屆遇上熱血公民蔡文龍挑戰。然而其地區工作做得不錯，此區勝負就睇居民選擇地區先為先還是政見優先。
D06 海怡東
就睇下陳家洛會輸成點！
D07 海怡西
袁彌明，由一個我覺得似做show，到後來一個我欣賞的從政者，雖有改進空間但比很多自命做地區的人做得更多，加油，祝你成功！
D08 華貴
假傘兵出沒注意
D10 華富北
除建制派外，柴文瀚被假傘兵尹杞殷、上屆選過沙田大水坑區、聲稱「獨立民主派」的羅月華挑戰。羅月華被明報揭發區選提名人不認識他，及後選舉事務處通水提名人後，提名人又好神奇咁認得羅月華。羅月華現為富安花園業主立案法圍成員。
D11 薄扶林
司馬文 vs 楊哲安，你話好唔好睇？
D12 置富
朱慶虹希望推動「由下至上」的區議會模式，其在置富所做的社區實驗亦稍成功，將挑戰被揭發與TVB造假，南區區議會主席朱慶虹。
D16 海灣
參選人 SCHAUS David John 派發手寫信拉票，唔知佢今日派乜呢...
D17 赤柱及石澳
現任李佩英連任多屆，今屆受到自由黨曾梓濠及姚潔凝挑戰。姚潔凝為前城市大學政政系校友會主席，任內期間私自利用校友會信箱傳送新民黨活動資訊，及後聲稱「受政治迫害」而辭件，其文宣Design又係一絕...
如果大家有興趣，我會盡快寫埋另外14區觀戰指南，14區...
戴多次頭盔，以上各區我都無意圖宣傳某個或某些候選人，不過請大家珍惜手上一票，表達大家的聲音。
沒有留言:
張貼留言